Ukrayna savaşından son xəbər: Sürət azaldı... – Baş Qərargah

Bu gün səhərə olan məlumata görə, rus qoşunları hücumu davam etdirir, amma onların irəliləmə sürəti xeyli azalıb.

Teleqraf.com verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Qeyd edilib ki, Ukrayna Müdafiə Qüvvələri müəyyən edilmiş sərhədlər boyunca - Cənub, Şərq və Şimal əməliyyat bölgələri daxilində müdafiə əməliyyatını davam etdirir.

Çerniqov və paytaxt Kiyevin müdafiəsi hücum edilən bütün istiqamətlərdən aparılır.

Cənub əməliyyat zonasında dövlət sərhədi və dəniz sahili boyunca müdafiə əməliyyatı davam etdirilir. Nikolayev şəhərətrafı ərazilərdə müdafiə döyüşləri aparılır.

Baş Qərargahın məlumatına görə, Rusiya qoşunları ruhdan düşüb və getdikcə daha çox talanla məşğul olur. Talançılığın əsasən Xarkov, Sumı, Çerniqov və Kiyev vilayətlərinin ələ keçirilmiş ərazilərində aparıldığı deyilir.