"Mülki itkilər Putini maraqlandırmır, məqsədi..." - ABŞ kəşfiyyatı

“Ukraynalılar arasında nə qurbanlar, nə də iqtisadi sanksiyalar Rusiya Federasiyasının prezidentini dayandıra bilər. ABŞ kəşfiyyatı əmindir ki, Rusiya Prezidenti Vladimir Putin Ukraynaya hücumun eskalasiyasına başlaya bilər. Onu hətta beynəlxalq sanksiyaların yaratdığı hərbi uğursuzluqlar və iqtisadi çətinliklər də dayandırmayacaq”.

Teleqraf.com xəbər verir ki, bu fikirləri ABŞ Milli Kəşfiyyatının direktoru Avril Hayns bildirib.

Onun sözlərinə görə, Putini bu cür uğursuzluqlar dayandıra bilməyəcək və o, Ukraynanı tərksilah etmək üçün səylərini ikiqat artırmaqla daha da güclənə bilər.

Hayns xəbərdarlıq edib ki, belə yüksək gərginliklərlə hər zaman “təsadüfən eskalasiya” ehtimalı var. Eyni zamanda, ABŞ kəşfiyyatı Rusiyanın nüvə siyasətində əvvəlki beynəlxalq böhranlar zamanı aşkar edilən dəyişikliklər istisna olmaqla, dəyişiklikləri müşahidə etməyib.

“Biz həmçinin Moskvanın nüvə sahəsində mövqeyində - gördüklərimizdən başqa, xüsusən də gərginliyin artdığı vaxtlarda dəyişikliyi görməmişik”, - Hayns bildirib.

Onun fikrincə, Rusiya prezidenti Ukrayna ordusunu darmadağın etməyə çalışacaq, çünki mülki itkilərdən az narahatdır.

"Düşünürəm ki, Putin indi qəzəblidir və əsəbidir. O, yəqin ki, payı ikiqat artıracaq və dinc əhali arasında itkilərə fikir vermədən Ukrayna ordusunu əzməyə çalışacaq”, - Mərkəzi Kəşfiyyat İdarəsinin direktoru Uilyam Börns bildirib.

O qeyd edib ki, ABŞ Ukrayna ilə fəal şəkildə kəşfiyyat məlumat mübadiləsi aparır.

Börns həmçinin deyib ki, o və MKA-nın analitikləri Putinin Kiyevi ələ keçirə və Vladimir Zelenski hökumətini moskvayönlü marionet rəhbərliklə əvəz edə biləcəyinə inanmır.