18 Mart 2022 09:32
837
12 Punto 14 Punto 16 Punto 18 Punto

Maddi-texniki problemlər və Ukrayna Silahlı Qüvvələrinin aktiv əks-hücumları Rusiya ordusunun hücum imkanlarını məhdudlaşdırır.

Teleqraf.com xəbər verir ki, bu barədə Böyük Britaniya Müdafiə Nazirliyinin kəşfiyyatının hesabatında deyilir.

Hesabatda bildirilir ki, Ukraynanın davamlı əks-hücumları Rusiyanı təchizat yollarını qorumaq üçün çoxlu sayda qoşundan istifadə etməyə məcbur edir: "Bu, Rusiyanın hücum potensialını ciddi şəkildə məhdudlaşdırır. Bundan əlavə, Rusiya ordusunun maddi-texniki təminatı ilə bağlı problemlər var".

Britaniya kəşfiyyatı qeyd edib ki, kəskin ərazilərdə manevr etmək istəməməsi, havaya nəzarətin olmaması və körpülərdən məhdud istifadə Rusiyanın qabaqcıl birləşmələrini hətta ilkin tələbatlarla – qida və yanacaqla effektiv şəkildə təmin etməsinə mane olub.

“Aktiv döyüşlərin sayı və düşmənin hücum fəallığı azalıb. Bunun iki səbəbi var. Birincisi, düşmən çox sürətli “blitskriegə” ümid edirdi və müharibənin 10 gündən çox davam edəcəyinə hazır deyildi. İkincisi, Ukrayna Silahlı Qüvvələri düşmənin ehtiyatlarını artırmaq məcburiyyətində qalanları belə məhv etdi”, - məlumatda qeyd edilib.


Müəllif: Nemət