“Çoxlu mesajlar alırıq, bildirirlər ki...” – Belarusdan kritik açıqlama

Belarus Qərb ölkələrindən əməkdaşlığa hazır olduqları barədə çoxlu siqnallar alır.

Teleqraf.com xəbər verir ki, bunu Belarus Baş naziri Roman Qolovçenko deyib.

“Bizimlə işləməyə hazır olduqlarına dair çoxlu siqnallar var. Həm Rusiya, həm də Belarusa qarşı tətbiq edilən sanksiyalar bunu edənlərin özlərinə qayıdır”, - baş nazir bildirib.

Qolovçenko qeyd edib ki, Avropa sərt qışa hazırlaşır, ona görə də yaxın gələcəkdə müəyyən dəyişikliklər baş verə bilər.

Baş nazir həmçinin vurğulayıb ki, altı ayda “qeyri-dost” adlandırılan ölkələrə ixrac 3.5 milyard dollar təşkil edib.

Roman Qolovçenko bundan əvvəl Belarusla Avropa İttifaqı arasında ticarətin tam dayandırılmadığını açıqlamışdı. Onun sözlərinə görə, həm özəl, həm də dövlət şirkətləri Belarusla əməkdaşlığı davam etdirir.