Şeytana inananlar şəriət ölkəsinə ayaq açır - İranda satanizm şoku

İranın şimal şəhərlərdən birində 28 satanist həbs edilib.

Teleqraf.com xəbər verir ki, bu barədə İran Ədliyyə Nazirliyi Təhlükəsizlik İdarəsinin rəisi Əli Abdullahi məlumat verib.

Abdullahi adını açıqlamadığı şəhərdə keçirilən əməliyyat nəticəsində saxlanılan satanistlərdən çoxlu sayda İranda qadağan edilmiş kitab və simvolların müsadirə edilərək götürüldüyünü bildirib.

Bundan başqa, o, stanistlərin yerləşdikləri məkanda spirtli içkilərin də aşkarlandığını söyləyib.

İran rəsmisi əməliyyatın hansı şəhərdə keçirilməsi barədə məlumat verməsə də, onların ölkədə satanizmin təbliği ilə məşğul olduqlarını iddia edib.