Ruslar Xarkovun mərkəzini vurdu

Rusiya ordusu Xarkov şəhərinə raket zərbələri endirib.

Teleqraf.com xəbər verir ki, bu haqda Xarkov Vilayət Hərbi Administrasiyasının rəhbəri Oleq Sinequbov öz Teleqram səhifəsində məlumat verib.

“Bu gecə ruslar Xarkovun mərkəzinə məkrli raket zərbəsi endiriblər. Gecə saat 2 radələrində Kiyev və Osnovyansk rayonlarında yola iki raket düşüb. Ətrafdakı evlərə ziyan dəyib, bir mənzilin pəncərəsində 61 yaşlı qadın yaralanıb”,- məlumatda bildirilib.

Sinequbov onu da vurğulayıb ki, hazırda zərbələr endirilən yerlərdə axtarış-xilasetmə işləri aparılır.

Zərbələr nəticəsində Xarkovun mərkəzində tarixi bina və məktəb dağıdılıb.