ABŞ qələbəyə qədər Ukraynanı dəstəkləyəcək - Bayden

Lazım olduğu qədər Ukraynanı dəstəkləməyə davam edəcəyik.

Teleqraf.com xəbər verir ki, ABŞ prezidenti Co Bayden bu bəyanatla Konqresin hər iki palatasında çıxış edib.

O vurğulayıb ki, Ukraynanı dəstəkləməkdə həmrəyik:

"Və nə qədər lazımdırsa, sizinlə olacağıq. Birləşmiş Ştatlar ən yaxşı etdiyi işi gördü - NATO-nu birləşdirdi, Ukraynaya qlobal yardım koalisiyasına rəhbərlik etdi və haqqı dəstəkləməkdə davam edir.

Rusiyanın Ukraynadakı müharibəsi və koronavirus qlobal inflyasiyaya səbəb olub. İnflyasiya pandemiya və Putinin müharibəsi enerji və ərzaq təchizatını pozduğu üçün qlobal problemdir”.

ABŞ prezidenti əmindir ki, Putinin Ukraynaya müdaxiləsi Amerikanın özü üçün vacib suallara cavab verməli olduğu bir sınaqdır: “Biz əsas fundamental prinsiplərimizə sadiq qalacağıqmı? Terrorla mübarizə aparacağıqmı? Demokratiyanı müdafiə edəcəyikmi? Bu çox vacibdir və bunun üçün təhlükəsizliyinizi təhdid edən təcavüzkarın hərəkətlərini dayandıraraq sülhü qorumaq lazımdır”.