İran dronları ilə hücuma keçdilər – Cəmi biri salamat qaldı

Ukrayna Hərbi Hava Qüvvələri Rusiyanın Bryansk vilayətindən atdığı 10 kamikadze pilotsuz uçan aparatdan (PUA) 9-nu məhv edib.

Teleqraf.com xəbər verir ki, bu barədə Ukrayna Hərbi Hava Qüvvələri məlumat yayıb.

“Düşmən gecə saatlarında “Şahid-136” və “Şahid-131” (İran istehsalı) dronları ilə Ukrayna ərazisinə hücum edib. Kamikadze dronları Bryansk vilayətindən Sumı və Çerniqov istiqamətində atılıb”, - məlumatda deyilir.

Xarkov vilayəti də Rusiyanın raket və dron hücumlarına məruz qalıb.

Ümumilikdə, 10 hücum PUA-sından 9-u məhv edilib.