“Putinin aşpazı”ndan gözlənilməz etiraf: “Bitmək üzrəyik, tezliklə...”

Rusiyanın “Vaqner” muzdlu qrupunun lideri Yevgeni Priqojin gözlənilmədən etiraf edib ki, təşkilatı tezliklə fəaliyyətini dayandıracaq.

Teleqraf.com xəbər verir ki, “Putinin aşpazı” ləqəbi ilə tanınan Priqojin Ukraynada üzləşdikləri mərmi qıtlığı məsələsini şərh edərkən, döyüşçüləri üçün sürpriz proqnoz verib.

“O yerə gəlib çatırıq ki, “Vaqner” bitmək üzrədir, qısa müddət ərzində fəaliyyətini dayandıracaq. Biz tarixə düşəcəyik, eybi yoxdur, belə də olur”, - Priqojin bildirib.

“Vaqner” muzdluları aylardır Baxmut şəhərinə tam nəzarəti ələ keçirməyə çalışırlar. Muzdlular burada çoxlu sayda elit bölmələrini itiriblər. Müvafiq uğursuzluqlar fonunda qrupun lideri Priqojin döyüşçülərinə daha sərt əmrlər verməyə başlayıb. Məsələn, o, muzdlulara əsir götürməmək əmrini verib.