Rus qüvvələrinə öldürücü zərbə - Darmadağın edildi

Rusiya ordusu hələ də Donetsk və Luqansk vilayətlərini tam işğal etmək niyyətindən əl çəkməyib. Müvafiq olaraq, cəbhənin bu hissəsi daha çox hücuma məruz qalır.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Son sutka ərzində bu istiqamətlərdə 28 hərbi toqquşma qeydə alınıb.

Rusların Liman istiqamətində Veselı və Rozdolivka rayonlarında, eləcə də Baxmutda Orixovo-Vasilivka, İvanivsk və Bila Qoraya hücumları uğursuzluqla nəticələnib.

Avdiv istiqamətində hücum olmayıb, Marində isə Ukrayna ordusu rus qoşunlarının bütün hücumlarının qarşısını alıb.

Rusiya qüvvələri Zaporoje və Xerson istiqamətlərində müdafiə əməliyyatları aparırlar.

Bundan başqa, Ukrayna aviasiyası gün ərzində Rusiyanın şəxsi heyətinin cəmləşdiyi ərazilərə 13, zenit-raket komplekslərinə isə 4 zərbə endirib. Rusiyanın çoxlu sayda PUA-sı da məhv edilib.

Gün ərzində raket qoşunlarının və artilleriya bölmələri Rusiyanın komanda məntəqəsini, şəxsi heyətinin, silah və hərbi texnikasının cəmləşdiyi 8 ərazini, 3 sursat anbarını, zenit-raket kompleksini, atəş mövqelərində 7 artilleriya bölməsini, 2 zenit qurğusunu, müdafiə obyektləri və elektron döyüş stansiyasını vurub.