Cəbhədə sıçrayış – Rusiyanın ikinci müdafiə xəttinə yaxınlaşdılar

Ukrayna Silahlı Qüvvələri Zaporoje vilayətinin qərbində, Robotində Rusiya ordusunun ikinci müdafiə xəttinə yaxınlaşıb.

Teleqraf.com xəbər verir ki, bu barədə ABŞ-ın Müharibə Araşdırmaları İnstitutu (ISW) məlumat yayıb.

Geolokasiya görüntülərinə görə, Ukrayna qoşunları Verbovoydan qərbə və Robotindən cənuba doğru Rusiyanın müdafiə xətləri istiqamətində bir qədər də irəliləyib.

Bundan əlavə, analitiklər rusların Kupyan-Svatov-Kreminna xəttində hücum əməliyyatları apardığını və irəlilədiyini qeyd ediblər.

Rusiya mənbələri isə iddia edirlər ki, ruslar Beyloqorivkada irəliləyir, Kreminnadan 11 km cənubda Qriqorivka yoluna nəzarət edirlər. ISW ​​bu iddianın vizual təsdiqini görməyib.