Ruslar üçün uğursuz gün - Altı istiqamətdə hücum dəf edildi

Son sutka ərzində Rusiya qüvvələri bir neçə istiqamətdə hücuma cəhd etsələr də, istəklərinə nail ola bilməyiblər. Gün ərzində tərəflər arasında 40-dan çox toqquşma baş verib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Rusların Liman istiqamətində Novoyeqorivka və Bilogorivkaya, Baxmutda Klişçivka və Kurdyumivkaya, Zaporojedə Verbovoya hücum cəhdləri nəticəsiz bitib. Bundan əlavə, Ukrayna ordusu Şaxtyor istiqamətində Staromayorskda Rusiya qüvvələrinin hücumunu uğurla dəf edib.

“Ukrayna müdafiə qüvvələri Marin istiqamətində rus qoşunlarının irəliləyişini dayandırmaqda davam edir”, - Baş Qərargah bildirib.

Ukrayna ordusu Melitopol istiqamətində hücum əməliyyatını davam etdirir, irəlilədiyi ərazilərdə möhkəmlənir.