Ukraynada durum dəyişir - “Vaxt gəldi, dərhal...”

Ukrayna Prezidenti Vladimir Zelenski döyüşləri dayandırmaq üçün dərhal istefa verməlidir.

Teleqraf.com xəbər verir ki, bunu Polşa Quru Qoşunlarının keçmiş komandanı, general Valdemar Skşipçak deyib.

“Hərbi rəhbərlər arasında konfliktin qızışdırılması mövqenizi möhkəmləndirmək üçün pis üsuldur. Ancaq Zelenskinin etdiyi məhz budur. Yəqin ki, baş verənlərdən yorulub, getməsinin vaxtı yetişib, çünki onun hərəkətləri, Kiyevdəki təlatümlü vəziyyəti nəzərdə tuturam, şübhəsiz ki, Ukraynaya sərf etmir”, - general bildirib.

Bundan əlavə, Skşipçakın fikrincə, hazırda Ukrayna prezidentinin qarşısına qoyduğu məqsədlərə nail olmaq - əraziləri qaytarmaq mümkün deyil: “Ona görə də Qərbdə bir çoxları Ukraynaya dəstəyi davam etdirməyin hər hansı bir mənasının olub-olmaması ilə maraqlanır”.