Ukrayna uduzsa, nə baş verəcək? - Rusiyanın atacağı ilk addım

Ukrayna müharibəni uduzsa, Rusiya NATO ölkələrinə hücum edə bilər.

Teleqraf.com xəbər verir ki, bunu ukraynalı hərbi ekspert Aleksandr Kovalenko deyib.

Kovalenko bildirib ki, Rusiya ordusu və hərbi-sənaye kompleksi hazırda 460 mindən çox canlı qüvvəni Ukraynaya qarşı müharibəyə yönəlib. Onun sözlərinə görə, əgər Rusiya NATO-ya hücum etmək istəyirsə, hərbi qüvvə hazırlamalıdır.

“İndi ayda 25-30 min səfərbər edə bilirlər, bu, pik göstəricidir. Bu göstəricidən kənara çıxmaq və yeni bölmələr hazırlamaq üçün onlara 50-60 min lazımdır. Repressiv səfərbərlik şəraitində sistemləri belə bir yükə tab gətirməyəcək. 2022-ci ildə ayda 100 000 olanda Rusiyanın səfərbərlik sistemi çat verdi. Ancaq 50-60 minə dözə bilirlər. Qüvvələr hissə-hissə döyüş bölgəsindəki aylıq itkiləri kompensasiya etməyə gedir, yeni bölmələr yaradılır. Amma bu yeni qüvvələr üçün avadanlıq və resurs lazımdır ki, tam işlək olsun”, - ekspert qeyd edib.

Kovalenko hesab edir ki, hazırda Avropa üçün Rusiyadan hibrid müharibə təhlükəsi var. O vurğulayıb ki, hibrid təhlükə daha çox təhdid yarada bilər, çünki NATO-nun bu duruma qarşı hərəkət mexanizmi yoxdur.

“Açıq təhlükə var, müdaxilə aşkar edilir, kollektiv təhlükəsizlik haqqında 5-ci maddəyə uyğun olaraq tədbirlər görülür. Bununla belə, hibrid siyasi, iqtisadi, enerji və hətta miqrasiya təhlükələri var”, - Kovalenko söyləyib.