Zaxarovanın sözləri gərginlik yaratdı – Rusiyaya nota verildi

Rusiyanın Cənubi Koreyadakı səfiri bu ölkənin Xarici İşlər Nazirliyinə (XİN) çağırılıb.

Teleqraf.com xəbər verir ki, buna Rusiya XİN-in sözçüsü Mariya Zaxarovanın Koreya yarımadasında artan gərginliyin səbəbləri barədə dediyi sözlər səbəb olub.

XİN-də səfirə etiraz notası təqdim edilib.

Mariya Zaxarova bundan əvvəl demişdi ki, Cənubi Koreya Prezidenti Yun Sok-yeolun nüvə məsələlərinə dair Şimali Koreya haqda bəyanatları Pxenyana qarşı aqressiv planları ört-basdır etmək məqsədi daşıyır. Onun sözlərinə görə, yarımadada artan gərginliyin əsas səbəbi ABŞ və müttəfiqlərinin həyasız siyasətidir.