Hakan Fidan alman həmkarı ilə görüşdü

Türkiyə və Almaniyanın xarici işlər nazirləri Hakan Fidanla Annalena Berbok Qəzzadakı vəziyyəti müzakirə ediblər.

Teleqraf.com xəbər verir ki, bununla bağlı Anadolu Agentliyi məlumat yayıb.

Görüşdə H.Fidan Qəzzada davam edən qırğınların dərhal dayandırılması üçün görülməli tədbirləri diqqətə çatdırıb.

Görüş zamanı hər iki tərəf Qəzzaya humanitar yardımın çatdırılması üçün daha çox səy göstərilməsi ilə bağlı razılığa gəlib.

NATO çərçivəsində əlaqələrin də müzakirə olunduğu görüşdə Fidan Almaniya ilə enerji sahəsində əməkdaşlığa önəm verildiyini vurğulayıb.

Ötən il Türkiyə ilə Almaniya arasında ikitərəfli ticarət həcmi təxminən 50 milyard dollar olub, tərəflər bu rəqəmi 60 milyard dollara çatdırmağı hədəfləyir.