Xarkov uğrunda döyüş: Rusiya ordusu irəliləyir

Rusiya ordusu Xarkov vilayətinin iki yaşayış məntəqəsi - Vovçansk şəhəri və İvanivka kəndi yaxınlığında irəliləyib.

Teleqraf.com xəbər verir ki, bu barədə ABŞ-nin Müharibə Araşdırmaları İnstitutu (ISW) məlumat yayıb.

Geolokasiya kadrları rusların Vovçanskın cənub-qərbində yerləşən Staritsiyada irəliləməyə müvəffəq olduğunu göstərir.

“Rusiya qoşunları Kupyan-Svatov-Kreminna xətti boyunca quru hücumlarının davam etdiyi vaxtda Kupyanın cənub-şərqinə doğru irəliləyib. Geolokasiya görüntüləri göstərir ki, Rusiya qüvvələri İvanovkanın şimal-qərbində (Kupyanın cənub-şərqi) irəliləyib”, - məlumatda deyilir.

Amerikalı analitiklərin fikrincə, bu, Rusiya ordusunun İvanivka kəndində də irəlilədiyini göstərə bilər.