Hərbi müşavir: "İran ABŞ-yə okeanın o tayında da cavab verə bilər"

İran silahlı qüvvələri strateji müdafiənin dərinliyini beş min km-ə çatdırmalıdır. ABŞ-nin İslam Respublikası ərazisinə zərbə endirəcəyi təqdirdə Tehran "okeanın o tayında" cavab verə bilər.

Teleqraf.com xəbər verir ki, bu sözləri İranın ali lideri Ayətullah Əli Xameneinin baş hərbi müşaviri, general-leytenant Yəhya Səfəvi deyib.

"Bizim başqa ölkələri fəth etmək məqsədimiz yoxdur, amma hər hansı bir ölkə bizə hücum edərsə, hətta ABŞ belə olsa, biz onlara dənizlərin o tayında cavab verə bilərik. Hesab edirəm ki, biz strateji müdafiəmizin dərinliyini 5000 kilometrə çatdırmalıyıq", - o bildirib.