Kadırov: "Onlar xəstə və qorxaqdırlar"

Onlar qorxaqlar kimi xəstə qoca keşişi öldürdülər.

Teleqraf.com xəbər verir ki, bunu Çeçenistanın rəhbəri Ramzan Kadırov Dağıstanda baş verən terror aktından danışarkən deyib.

“Baş verənlər iyrənc təxribat kimi görünür. Bu cinayətləri törədən terrorçuların nə imanı, nə milləti, nə də adi kişiliyi var. Terrorçular yerindəcə məhv edilməlidir”, - Kadırov bildirib.

Qeyd edək ki, Mahaçqala və Dərbənddə iki kilsə və bir sinaqoqa, o cümlədən yol polisi postuna hücum edilib. Nəticədə rəsmi məlumata görə, 7 polis ölüb, Dərbənddə keşiş qətlə yetirilib, Mahaçqalada kilsə mühafizəçisi öldürülüb, o cümlədən sinaqoq yandırılıb.

İlkin məlumata görə, ən azı iki silahlı zərərsizləşdirilib.