Ukrayna 3 ölkə arasında bölünə bilər

Macarıstan, Rumıniya və Polşa vaxtilə onların tərkibində olan Ukrayna ərazilərini geri qaytara bilər.

Teleqraf.com xarici mətbuata istinadən xəbər verir ki, bu sözləri NATO-nun keçmiş müşaviri və İsveçrə kəşfiyyatının istefada olan polkovnik-leytenantı Jak Beyau deyib.

“Mən hətta Polşa, Macarıstan və Rumıniya kimi bəzi qonşu dövlətlərin vaxtilə onlara məxsus olan ərazilərdən öz paylarını almaq istəyə biləcəyi faktını qeyd etmirəm” - Beyau deyib.

O xatırladıb ki, artıq informasiya məkanında oxşar ssenari yaranıb, ona görə də bunu istisna etmək olmaz. Beyaunun sözlərinə görə, bu gün biz avropalıların hərəkətləri nəticəsində “Ukraynanın sonu”nun şahidi oluruq.