Solovyovun efirində şok etiraf: “Rusiya uduza bilər”

“Vladimir Solovyovla axşam” tok-şousunun studiyasında erməni əsilli kinorejissor Karen Şahnazarov Rusiyanın müharibədəki mümkün məğlubiyyətindən danışıb.

Teleqraf.com xəbər verir ki, o, Ukrayna ordusunun Kursk vilayətində keçirdiyi uğurlu əməliyyatın məğlubiyyətə yol aça biləcəyini iddia edib.

“Məğlub ola biləcəyimizdən danışmalıyıq. Bu cür səhvlər daha çox olsa, uduza bilərik. Bu, panikaya qapılma deyil, sadəcə məğlubiyyət bizim və vətənimizin ödəməyə məcbur olacağı bədəlin mütləq ifadəsidir”, - rejissor qeyd edib.

Şahnazarov keçmiş SSRİ-nin lideri İosif Stalinin adını çəkərək əlavə edib ki, rusların müəyyən stimullara ehtiyacı var: “Görünür, daxildə güclü stimullar lazımdır, çünki başımızda “uduzsaq, bizə nə olacaq” kimi vəziyyət hökm sürür”.

Proqramın aparıcısı Solovyov Şahnazarovla razılaşıb və ənənəvi olaraq Rusiyasız bəşəriyyətin məhvindən haqda danışıb: “Bəşəriyyət olmayacaq. Ölkə olmayacaq, amma bəşəriyyət də olmayacaq”.