Pakistanın yeni nüvə silahı: Minlərlə kilometrlikdəki hədəfləri vurur

Pakistan ordusu “Şahin 2” ballistik raketinin təlim atışlarının uğurla həyata keçirildiyini açıqlayıb.

Teleqraf.com xəbər verir ki, uğurlu sınaqda qardaş ölkənin Silahlı Qüvvələrinin yüksək rütbəli zabitləri, eləcə də strateji qurumların alim və mühəndisləri iştirak ediblər.

Pakistan Prezidenti Asif Əli Zərdari və Baş nazir Şahbaz Şərif alimlər, mühəndislər və hərbi rəsmilərə “Şahin 2”-nin uğurlu sınaqlarına görə təbrik ünvanlayıb.

Sözügedən ballistik raketin hədəfi vurma məsafəsi 2000 kilometrə qədərdir, həm adi, həm də nüvə başlıqlarını daşıya bilir.