İsrail ordusu bu ərazilərdə "Hizbullah" hədəflərinə zərbələr endirdi

İsrail Hərbi Hava Qüvvələri Livanın cənubundakı "Hizbullah" hərəkatının hərbi obyektlərinə yeni silsilə hücumlar həyata keçirib.

Teleqraf.com xəbər verir ki, bu barədə İsrail ordusunun mətbuat xidməti bildirib.

Məlumata əsasən, bir müddət əvvəl ölkənin cənubundakı Bint-Cbeil yaşayış məntəqəsi ərazisində "Hizbullah" silahlılarının reaktiv yaylım atəşi sistemi və hərbi infrastruktur obyektlərinə hava zərbəsi endirilib.

Bundan əlavə, gün ərzində İsrail Hərbi Hava Qüvvələri Livanın cənubundakı Beyt Lif, Əl-Edeysa və Əl-Teybi kəndləri yaxınlığındakı "Hizbullah" hərbi obyektlərinə zərbələr endiriblər.