Ukraynadan sülh planı ilə bağlı yeni açıqlama - "Başqa ölkələr vasitəsilə..."

“Ukrayna münaqişənin sülh yolu ilə həlli planını Rusiya ilə müvafiq dialoq aparan ölkələr vasitəsilə Moskvaya verəcək”.

Teleqraf.com xəbər verir ki, bunu Ukrayna prezidentinin aparatının rəhbərinin müavini İqor Jovkva deyib.

Onun sözlərinə görə, hazırda bu plan hazırlanır: "Moskva ultimatum dilində danışmağı dayandırarsa və belə planın elementlərini müzakirə etməyə hazır olarsa, Ukrayna tərəfi ikinci sammitdə Rusiya nümayəndələri ilə görüşməyə hazırdır".

Jovkva vurğulayıb ki, Kiyev digər ölkələr vasitəsilə sammitdə Rusiyanın nümayəndələrinə sülh planını çatdırmağa hazırdır.