Rus ordusu bölgəni “Xəncər”lə vurdu

Rusiya Hərbi Hava Qüvvələri yenidən Ukrayna vilayətlərini “Kinjal” (“Xənzər”) raketləri ilə hədəfə alıb. Ölkənin bütün bölgələrində raket təhlükəsi davam edir.

Teleqraf.com xəbər verir ki, bu barədə Ukrayna Hərbi Hava Qüvvələri məlumat yayıb.

Qurum raketlərin MiQ-31K təyyarələrindən buraxıldığını açıqlayıb.

“Kinjal” raketi Xmelnitskiyə doğru atılıb”, - məlumatda deyilir.

Yerli Teleqram kanalları da Kiyev, Xerson və Xmelnitski vilayətlərində baş verən partlayışlar barədə məlumat yayıb. Digər vilayətlərlə yanaşı, paytaxt Kiyev şəhərində baş verən partlayışlar da rəsmən təsdiqlənib.