Tbilisidə müxalifət lideri sərbəst buraxıldı - Yeniləndi

Tbilisidə polisin saxladığı müxalif “Dəyişikliklər naminə koalisiya”nın liderlərindən biri Zurab Caparidze sərbəst buraxılıb.

Teleqraf.com xəbər verir ki, bu barədə siyasətçi “Facebook” heabında məlumat paylaşıb.

Z.Caparidze bu gün səhər saatlarında etirazçılar və polis arasında qarşıdurma zamanı saxlanılmışdı.

***

09:44

Tbilisidə bu gün səhər saatlarında saxlanılan etirazçılar arasında müxalif “Dəyişikliklər naminə koalisiya”nın liderlərindən biri Zurab Caparidze də var.

Teleqraf.com xəbər verir ki, onun saxlanılmasını əks etdirən videokadrlar sosial şəbəkədə yayılıb.

Ötən gecə Rustaveli prospektində aksiyanın dağıdılmasından sonra etirazçılar Çavçavadze prospektinə doğru irəliləyiblər. Onlar yolu bağlamağa cəhd ediblər. Polis buna imkan verməyəndə tərəflər arasında qarşıdurma yaranıb və nəticədə bir neçə nəfər saxlanılıb.