Kiyevdə neft bazası yandı: yaralılar var - FOTO/VIDEO

Kiyevdə neft bazasında yanğın baş verib, 4 nəfər xəsarət alıb.

Teleqraf.com-un Ukrayna KİV-ə istinadən xəbərinə görə, bu barədə Dövlət Fövqəladə Hallar Xidmətinin Kiyev vilayətindəki Baş İdarəsindən bildiriblər.

Xəbərə görə, dünən yerli vaxtla saat 17.29-da(19.29) idarəyə Kryaçki kəndində neft bazasının yanması barədə məlumat daxil olub. Xilasedicilər hadisə yerinə gəldikdən sonra bəlli olub ki, içərisində benzin olan 3 rezervuar yanır. Hadisə yerində neft bazasının xəsarət alan 4 işçisi aşkar olunub.

Yanğının söndürülməsinə 21 ədəd yanğın-xilasetmə texnikası və 90 nəfər şəxsi heyət cəlb edilib.

Bundan əlavə daha 16 ədəd xüsusi texnikanın yanğını söndürməyə köməyə göndərildiyi bildirilir.

Nihad