Türkiyədə terrorçular 4 nəfəri girov götürüb

İstanbulda xidmət edən polis əməkdaşı Vedat Qaya Diyarbəkir-Bingöl avtomobil yolunda PKK-lı terrorçular tərəfindən girov götürülüb.

Teleqraf.com Türkiyə mətbuatına istinadən xəbər verir ki, qaçırılan polis əməkdaşının həyat yoldaşı və uşağı isə sərbəst buraxılıb. Digər tərəfdən, axşam saatlarında Ərzurumda 1 təcili tibbi yardım maşını və 3 səhiyyə işçisi də qaçırılıb.

Terrorçuların əməli bununla bitməyib. Onlar gecə saatlarında Diyarbəkirin Bismil Rayonu Polis İdarəsi binasına bombalı hücum təşkil edib. Hücum zamanı 7 Çevik Polis əməkdaşı da yaralanıb.

Təhlükəsizlik qüvvələri bölgədə əməliyyata başlayıb.

Rüstəm