Ukrayna NATO-ya qoşulmağa can atır

Ukrayna prezidenti Petro Poroshenko ölkənin NATO İttifaqına üzvlüyü ilə bağlı ümummilli səsvermə keçiriləcəyini deyib.

O bunu sentyabrın 22-də Milli Təhlükəsizlik Şurasının iclasında deyib. Görüşdə NATO-nun baş katibi Jens Stoltenberg də iştirak edib.

NATOrəsmiləri dəflərlə bildirib ki, ölkənin üzvlüyünə baxmazadan əvvəl Kiyev siyasi, iqtisadi və hərbi islahatlar həyata keçirməlidir.

Stoltenberg iclasda bildirib ki, Ukrayna NATO-ya arxalana bilər və təşkilat Kiyevə siyasi və əməli dəstək göstərəcək.

Ötən ilin aprelindən bu yana Ukraynanın şərqində hökumət qoşunları ilə rusiyapərəst separatçılar arasında gedən döyüşlərdə 7900-dən çox adam ölüb.

Kiyevlə Qərb Rusiyanı separatçıları dəstəkləməkdə günahlandırır.Moskva ittihamı rədd edir.