8 Fevral 2016 23:12
535

Qazaxıstanın baş nazirinin müavini Dariqa Nazarbayeva ölkədə Çin dilini öyrənməyin vacibliyi ilə bağlı bəyanat səsləndirib.

Axar.az xəbər verir ki, geniş kollegiya iclasında bəyanat səsləndirən nazir müavini ölkə əhalisinin ən azı 3 dil bilməsinin vacib olduğunu bildirib.

"Biz uşaqların ən azı üç dili öyrənmələri üçün çalışmalıyıq. Yaxın gələcəkdə hər kəsə Çin dilini bilmək lazım olacaq. Çin bizim böyük cənub qonşumuz, taleyimizdir", - Nazarbayeva bildirib.

Qeyd edək ki, Prezident Nursultan Nazarbayev 17 yanvar 2014-cü ildə ölkədə üçdilli təhsil üzrə qanun imzalamışdı.


Müəllif: