Milyarder: "Azərbaycanda daim olacağıq"

Azərbaycana diqqətimiz daimi olacaq.

Bunu APA-nın “Ötən il baş vermiş devalvasiya Azərbaycan vətəndaşlarına mənzillərin satışına mənfi təsir göstəribmi” sualını cavablandıran Türkiyənin ən böyük tikinti şirkəti “Ağaoğlu inşaat”ın sahibi Əli Ağaoğlu deyib.

Azərbaycanı çox önəmli ölkə kimi dəyərləndirən iş adamı bununla belə ötənilki devalvasiyalar üzündən satışlarını istədikləri kimi reallaşdıra bilmədiklərini etiraf edib:

“Buna baxmayaraq, Azərbaycan bazarı bizim üçün çox önəmlidir. Çünki biz bir millət, iki dövlətik. Azərbaycana çox önəm verdiyimizə görə, orada daim olacağıq”.