Səudiyyə Ərəbistanı 10 milyard dollar istəyir

Səudiyyə Ərəbistanının beynəlxalq banklarla 10 milyard dollar kredit almaq üçün razılaşdığı bildirilir.

Teleqraf.com xəbər verir ki, sazişin bu ayın sonuna kimi imzalanması nəzərdə tutulur.

Aralarında Amerika, Avropa, Yaponiya və Çin banklarının da olduğu böyük bir qrup Səudiyyə Ərəbistanına kredit verməyə hazırdır. Hökumətin 8 milyard dollar kredit almaq niyyətində olduğu, lakin daha sonra bu miqdarın 10 milyard dollara yüksəltdiyi bildirilir.

Qeyd edək ki, dünyanın ən böyük neft istehsalçılarından olan Səudiyyə Ərəbistanının xam neftin qiymətlərindəki kəskin eniş səbəbindən gəlirləri azalıb.