Sarkisyan Moskvaya gedir

Ermənistan prezidenti Serj Sarkisyan martın 14-də Moskvaya ikigünlük səfər edəcək.

Teleqraf.com rus mediasına istinadən xəbər verir ki, səfər zamanı Sarkisyanın Rusiya prezidenti Vladimir Putinlə görüşü planlaşdırılıb. Görüşdə ikitərəfli əməkdaşlıq məsələləri və Dağlıq Qarabağ münaqişəsi zonasında son vəziyyət müzakirə olunacaq.

Danışıqların yekunlarına dair bir neçə investisiya sazişlərinin imzalanması gözlənilir.

Sarkisyan-Putin görüşünün Ermənistan və Rusiya arasında diplomatik münasibətlərin qurulmasının 25 illiyi ilə əlaqədar keçirilən tədbirlər çərçivəsində baş tutacağı bildirilir.