Qərb Universitetinə əcnəbi rektor təyin edildi

Qərb Universitetinə yeni rektor təyin olunub.

Bu barədə Teleqraf.com-a universitetdən məlumat verilib.

Yeni rektor artıq fəaliyyətə başlayıb. Bundan sonra universitetə Latviya vətəndaşı Andris Leitas rəhbərlik edəcək.

O, Latviya Dövlət Universitetini bitirib, mühəndislik elmləri üzrə fəlsəfə doktorudur.

Latviya Dövlət Universitetinin professoru olan Andris Leitas bu ölkənin bir sıra dövlət qurumlarında yüksək vəzifələrdə çalışıb.

Qeyd edək ki, Qərb Universiteti 1991-ci ildə təsis olunub.

2011-2012-ci illərdə isə universitetin rektoru Zemfira Məmmədova olub. Universitetdən verilən məlumata görə, Zemfira Məmmədova 2012-ci ildən sona rektor əvəz edicisi vəzifəsində çalışıb: “Universitetə yeni rektor təyin olunandan sonra Zemfira Məmmədova prorektor vəzifəsində çalışır”.

İlhamə ƏBÜLFƏT