6 İyul 2017 12:34
950

Rusiya Xarici İşlər Nazirliyinin rəsmi nümayəndəsi Mariya Zaxarova iyulun 4-də erməni təxribatı nəticəsində 2 yaşlı Zəhranın həlak olması barədə danışıb.

Teleqraf.com xarici mediaya istinadla xəbər verir ki, bununla bağlı Zaxarova mətbuat konfrasında fikirlərini bildirib:

"Dağlıq Qarabağ münaqişəsi regionunda atəşkəsin növbəti dəfə pozulması nəticəsində dinc sakinlər, o cümlədən 2 yaşlı uşaq həlak olub".

Zaxarova 2 yaşlı Zəhranın ailəsinə başsağlığı verib: "Bu cür hallar yolverilməzdir və münaqişə tərəflərini vəziyyəti stabilləşdirmək üçün bütün lazımi tədbirləri görməyə çağırırıq".


Müəllif: Samir