AMEA-nın ümumi yığıncağı başladı - Ramiz Mehdiyev tədbirdə/Foto

Azərbaycan Milli Elmlər Akademiyasının (AMEA) Ümumi yığıncağı başlayıb.

Prezident Administrasiyasının rəhbəri, akademik Ramiz Mehdiyev, Baş nazirin müavini, YAP Sədrinin müavini-İcra katibi Əli Əhmədov Prezident Administrasiyasının Humanitar siyasət məsələləri şöbəsinin müdiri Fərəh Əliyeva iştirak edirlər.

Yığıncaqda AMEA-nın prezidenti, vitse-prezidentləri və Rəyasət Heyətinin yeni tərkibi seçiləcək.

Qeyd edək ki, hazırda AMEA-nın prezidenti, akademik Akif Əlizadədir. O, bu vəzifəyə 2013-cü ildə seçilib.

Rəyasət Heyətinin üzvləri akademiklər - Akif Əlizadə, İbrahim Quliyev, İsa Həbibbəyli, Tofiq Nağıyev, Rasim Əliquliyev, Əhliman Əmiraslanov, Teymur Kərimli, Nərgiz Axundova, Dilqəm Tağıyev, akademik Fəxrəddin Qədirov, Nazim Məmmədov, İsmayıl Hacıyev və Fuad Əliyevdir.

AMEA-nın vitse-prezidentləri isə İ. Quliyev, İ. Həbibbəyli, T. Nağıyev və D. Tağıyevdir.

Vitse-prezidentlər Rəyasət Heyətinin yeni tərkibindən seçiləcək.

***

Azərbaycan Milli Elmlər Akademiyasının (AMEA) ümumi yığıncağı başlayıb.

Teleqraf.com xəbər verir ki, toplantı akademiyanın Rəyasət Heyətinin böyük konfrans zalında keçirilir.

Ümumi yığıncaqda Prezident Administrasiyasının rəhbəri, akademik Ramiz Mehdiyev, baş nazirin müavini, Yeni Azərbaycan Partiyası sədrinin müavini-icra katibi Əli Əhmədov, Azərbaycan Prezident Administrasiyasının Humanitar siyasət məsələləri şöbəsinin müdiri Fərəh Əliyeva, təhsil naziri Ceyhun Bayramov, Dövlət İmtahan Mərkəzinin Direktorlar Şurasının sədri Məleykə Abbaszadə, akademiyanın həqiqi və müxbir üzvləri, dövlət rəsmiləri, deputatlar, ali məktəb rektorları iştirak edir.

Toplantıda AMEA Rəyasət Heyətinin 2017-ci il üzrə elmi və elmi-təşkilati fəaliyyəti haqqında hesabatı dinləniləcək, Azərbaycan Respublikasının Nizami Gəncəvi adına Qızıl medalı və AMEA-nın Adlı mükafatlarının təqdimatı keçiriləcək.

Yığıncaqda, həmçinin AMEA-nın prezidenti və Rəyasət Heyətinin yeni tərkibi seçiləcək. Akademiyanın prezidenti ümumi yığıncaqda 5 il müddətinə seçiləcək. Akademiyanın ümumi yığıncağı tərəfindən seçilmiş AMEA prezidentinin həmin vəzifədə təsdiq edilmək üçün adı Prezident İlham Əliyevə təqdim ediləcək.

Akademiyanın vitse-prezidentləri ümumi yığıncaqda gizli səsvermədə iştirak edən AMEA həqiqi üzvlərinin üçdə iki səs çoxluğu ilə 5 il müddətinə seçiləcəklər. Akademiyanın vitse-prezidentləri, akademik-katibi və Rəyasət Heyətinin digər üzvləri AMEA prezidentinin təqdimatı ilə Rəyasət Heyəti tərəfindən təsdiq ediləcəklər.

Xatırladaq ki, hazırda AMEA prezidenti akademik Akif Əlizadədir. O, bu vəzifəyə 2013-cü ildə seçilib. AMEA-nın vitse-prezidentləri isə akademiklər İbrahim Quliyev, İsa Həbibbəyli, Tofiq Nağıyev və Dilqəm Tağıyevdir.