Spikerdən məhkəmə hakimlərinə - Çağırış

Spiker Oqtay Əsədov Milli Məclisin bu gün keçirilən plenar iclasında təyinatları təsdiqlənən məhkəmə hakimlərinə iş prosesində ədalətli olmağı tövsiyə edib.

Teleqraf.com xəbər verir ki, Milli Məclisin sədri O.Əsədov həmin hakimlərə üz tutaraq deyib ki, insanlar sizdən razı qalmalıdır:

“Mən sizi təbrik edirəm və ədalətli olmağı arzu edirəm”.

Xatırladaq ki, Milli Məclisin bu gün keçirilən plenar iclasında Azərbaycan Ali Məhkəməsinə, Naxçıvan Muxtar Respublikası Ali Məhkəməsinə, Bakı, Gəncə, Sumqayıt, Şirvan və Şəki apellyasiya məhkəmələrinə yeni hakimlərin təyin edilməsi məsələsinə baxılıb, layihə səsverməyə çıxarılaraq qəbul olunub.