ABŞ-ın Azərbaycana da cavabdeh olan qurumu bağlandı

ABŞ Vətəndaşlıq və İmmiqrasiya Xidməti (USCIS) martın 29-da Moskvadakı ofisini bağlayır.

Teleqraf.com xəbər verir ki, bu barədə qurumun bu gün yaydığı məlumatda deyilir. Qeyd olunur ki, buna səbəb iş həcminin əhəmiyyətli dərəcədə azalmasıdır: "Ofisin vətəndaşlar üçün açıq olacağı və ərizələri qəbul edəcəyi son tarix - 28 fevral 2019-cu il".

Qeyd edək ki, gələcəkdə Moskva ofisinin funksiyalarını Yunanıstanın paytaxtı Afina şəhərindəki ofis yerinə yetirəcək. Afinadakı ofis Ermənistan, Azərbaycan, Belarus, Estoniya, Gürcüstan, Qazaxıstan, Qırğızıstan, Latviya, Litva, Moldova, Tacikistan, Türkmənistan, Ukrayna və Özbəkistana cavabdeh olacaq.