Erməni ordusu itki verdi

Ermənistanın Tavuş vilayətinin Artsvaberd kəndi ərazisində hərbçiləri daşıyan Ermənistan Müdafiə Nazirliyinin “QAZ-66” markalı maşını yoldan çıxaraq dərəyə yuvarlanıb.

Teleqraf.com-un erməni mətbuatına istinadən xəbərinə görə, avtomobili idarə edən kapitan Pavlik Manukyan başından aldığı ağır xəsarət nəticəsində hadisə yerində ölüb.

Qəza zamanı maşında 13 hərbçi olub.

Hadisə nəticəsində maşında olan baş leytenant Artyun Xaçatryan, leytenant Armen Ovsepyan çavuşlar Qrişa Qriqoryan, Narek Mirzoyan, Mqer Vardanyan, Boris Tunyan və 6 sıravi əsgər müxtəlif xəsarətlərlə Berd şəhər hospitalına çatdırılıb.

Qəzayla bağlı Ermənistan İstintaq Komitəsində araşdırma aparılır.

Nihad