Ohanyan siyasi səhv buraxdı

"Ermənistan həm NATO, həm də Kollektiv Təhlükəsizlik Müqaviləsi Təşkilatı (KTMT) ilə balanslaşmış əməkdaşlıq edir."

Ermənistanın müdafiə Naziri Seyran Ohanyan bu fikirləri dünən - 20 sentyabrda “Ermənistan - Diaspora” V forumun iştrakçıları ilə görüşdə səsləndirib.

Ohanyan bu sözləri İrandan olan erməni diasporunun "Ermənistanın NATO ilə əməkdaşılıq etməsi ölkəmizə neqativ təsir edəcəkmi?" sualını cavablandırarkən belə deyib.

“Həm KTMT, həm də NATO üzvləri ilə görüşdə mən hərdən söyləyirəm kii, biz bu iki strukturun sərhədində yerləşirik və hər iki tərəfin sərhəd qoşunları ilə ciddi əlaqədə olmalıyıq. Biz hər iki qurumla eyni səviyyədə əlaqə quraraq, tərəflərdən aldığımız bilikləri dəyərləndirərək NATO və KTMT və əksinə səriştə mübadiləsi aparırıq”- deyə Seyran Ohanyan bildirib.

Ohanyan ölkəsinin həm KTMT həm də NATO çərçivəsində bütün tədbirlərdə vaxtında iştrak edərək heç bir problem yaşamadığını əlavə edib.

Əslində isə, təşkilatlardan birinin üzvü olan, digəri ilə isə sadəcə əməkdaşlıq edən Ermənistanın müdafiə nazirinin hər iki təşkilata eyni qiymət verməsi birbaşa siyasi səhvdir. Çünki üzv olduğu hərbi təşkilatın rəqibi sayılan digər hərbi təşkilat haqqında eynihüquqlu danışmaqla Ohanyan “balanslaşdırılmış” yox, həmişəki kimi Ermənistana xas olan ikiüzlü siyasət yürütdüklərini göstərir./anspress/