Rus sülhməramlıları indi də sərhədə gəldilər – Zəngəzurda gərginlik

Rus sülhməramlılarının birlikləri ikitərəfli münaqişənin kəskinləşməsinin qarşısını almaq üçün Sünik (Zəngəzur) bölgəsindəki Ermənistan və Azərbaycan sərhədlərinə gəliblər.

Teleqraf.com xəbər verir ki, bu barədə “Sputnik Ermənistan”a Sünikin qubernatoru Melikset Poqosyan açıqlama verib.

Onun sözlərinə görə, rus hərbçilər sərhəd kəndləri olan Şurnux və Vorotandadır.

Poqosyan qeyd edib ki, sülhməramlılardan əlavə sərhəddəki vəziyyətə Ermənistan silahlı qüvvələri və sərhəd qoşunları nəzarət edir. Bölgədə vəziyyətin sakit olduğu deyilib.