Müdafiə naziri: "Bu, Ermənistan ordusunda şok yaratdı"

"Ermənilərin əsas ümidi ön xətdə yaratdıqları istehkam qurğularına idi. Onlar hətta bu istehkamlara müxtəlif adlar da vermişdilər. Bizim hərbçilərin, əsgərlərin qəhrəmanlığı və yüksək səviyyədə peşəkarlığı minalanmış ərazilərdən keçərək ön xəttin yarılmasında böyük rol oynadı".

Teleqraf.com xəbər verir ki, bunu müdafiə naziri, general-polkovnik Zakir Həsənov "Real" TV-yə müsahibəsində deyib.

"Bizim ordu korpuslarının həmlə, kəşfiyyat və tank taborları qısa bir müddətdə çoxsaylı istiqamətdə düşmənin ön xəttini yardı. Bizim ordunun bu sürəti, yüksək peşəkarlığı Ermənistan ordusunda şok yaratdı. Biz bunu da hiss edirdik. Sürətli hücum isə bizim gələcək qələbəmizin təməlini qoydu", - nazir əlavə edib.