“Rusiya sentyabrda təklif verdi, Ermənistan da razı oldu” - Paşinyan

Ermənistan Rusiyanın təklif etdiyi prinsiplər əsasında Azərbaycanla dövlətlərarası münasibətlər qurmağa və bunu üç ölkə liderinin Soçi görüşündə təsdiqləməyə hazırdır.

Teleqraf.com xəbər verir ki, bunu Ermənistan Baş naziri Nikol Paşinyan Tvitterdə yazıb.

“İrəvan sentyabrın əvvəlində Ermənistanla Azərbaycan arasında dövlətlərarası münasibətlərin qurulması üçün Rusiya Federasiyasının təqdim etdiyi əsas prinsiplər və parametrlər əsasında işləməyə razılaşıb, Soçidə bunu təsdiqləməyə hazırdır. Ümid edirik ki, Rusiya onun təkliflərini dəstəkləyəcək”, - baş nazir qeyd edib.

Paşinyan hansı prinsiplərdən söhbət getdiyini açıqlamayıb.