Paşinyan Azərbaycanla sərhəddə: Sülh mesajı verdi

Ermənistan Baş naziri Nikol Paşinyan Voskeparda (Əskipara) yerli sakinlərə Azərbaycanla sülh, o cümlədən delimitasiya prosesindəki mövcud vəziyyəti təqdim edib.

Teleqraf.com xəbər verir ki, bunu baş nazirin sözçüsü Nazeli Baqdasaryan deyib.

Onun sözlərinə görə, Paşinyan bölgədə qeyd olunan məsələlərlə (eləcə də 4 kəndin qaytarılması ilə) bağlı bölgə sakinlərinin suallarını cavablandırıb.

Nikol Paşinyan martın 18-də də Voskepar kəndində də olub, sakinlərlə görüşüb. Ermənistan baş naziri görüşdə 4 kəndin Azərbaycana qaytarılacağı anonsunu verib.

Söhbət Qazax rayonunun Aşağı Əskipara, Xeyrimli, Qızılhacılı və Bağanıs Ayrım kəndlərindən gedir.