Tramp Respublikaçıların gücünə inanır - “Böyük qələbə qazanacağıq"

Respublikaçılar Partiyasından prezidentliyə namizəd Donald Tramp prezident seçkilərində “böyük qələbə” qazanacağına ümid etdiyini bildirib.

Teleqraf.com xəbər verir ki, o, bu barədə Palm-Biçdəki seçki məntəqəsinə gəldikdən sonra məlumat verib.

"Deyəsən, Respublikaçılar tam qüvvə ilə özlərini göstəriblər, ona görə də nə olacağını görəcəyik... Eşitdiyimə görə, bizdə hər şey yaxşıdır", - Tramp deyib.

Onun fikrincə, ABŞ problem içində olan böyük bir ölkədir və bu problemləri həll etmək lazımdır. Respublikaçı seçki gününə “böyük üstünlüklə” girdiyini qeyd edərək, qalib gəlmək şanslarına əmin olduğunu bildirib.

Noyabrın 5-də ABŞ-da 60-cı prezident seçkiləri başlayıb.