Prezident və ailə üzvləri Heydər Əliyevin məzarını ziyarət edib

Azərbaycan prezidenti İlham Əliyev və ailə üzvləri Fəxri xiyabanda Heydər Əliyevin məzarını ziyarət edib.

Teleqraf.com xəbər verir ki, prezident İlham Əliyev Heydər Əliyevin xatirəsini yad edib, məzarı önünə əklil qoyub. Dövlət başçısı görkəmli oftalmoloq alim, akademik Zərifə Əliyevanın, dövlət xadimi Əziz Əliyev və professor Tamerlan Əliyevin məzarlarının üstünə də gül dəstələri qoyub.

Heydər Əliyevin məzarının ziyarət edilməsi mərasimində dövlət və hökumət rəsmiləri, millət vəkilləri də iştirak ediblər.

Bu gün ümummilli lider Heydər Əliyevin vəfatından 11 il ötür. O, 2003-cü il dekabrın 12-də dünyasını dəyişib.