Cəbhədə erməni hərbçi məhv edildi

Ötən gün Ermənistanın silahlı qüvvələri cəbhənin Tovuş əyaləti istiqamətində Azərbaycanın üzbəüz mövqelərini atəşə tutub. Düşmən cavab atəşilə susdurulub.

Ermənistan Müdafiə Nazirliyinin məlumatına görə, Tavuş vilayətində erməni hərbi qulluqçu məhv edilib. Hərbi qulluqçu Noemberyandakı postlardan birində aldığı güllə yarası nəticəsində ölüb.

Qeyd edək ki, Erməni silahlı bölmələri cəbhənin müxtəlif istiqamətlərində sutka ərzində atəşkəs rejimini ümumilikdə 110 dəfə pozub. Azərbaycan Silahlı Qüvvələri əməliyyat şəraitini nəzərə alaraq düşmənin atəş nöqtələrinə, mövqelərinə və səngərlərinə eyni sayda atəş zərbəsi endirib.