Bu təyyarələr niyə qəzaya uğrayır? - 10 FAKT

Bu gün səhər saatlarında Paris-Qahirə reysini həyata keçirən Misirin "EgyptAir" aviaşirkətinə məxsus sərnişin təyyarəsi radarlardan itib. Bu Airbus 320 tarixində 10-cu qəza kimi tarixə düşüb. Bundan 9 belə təyyarə qəzası qeydə alınıb.

Teleqraf.com həmin siyahını təqdim edir:

1. 1998-ci ilin iyunun 26-da Fransada keçirilən aviaşou zamanı "Air France" şirkətinə məxsus A320 təyyarəsi yerə çırpılıb. Təyyarə alçaq hündürlükdə nümunəvi uçuş həyata keçirməli idi. Hadisə zamanı 3 şərnişin həyatını itirib, 50-i yaralanıb.

2. 2014-cü il dekabrın 28-də "Indonesia AirAsia" şirkətinə məxsus A320 təyyarəsi Yava dənizində qəzaya uğrayıb. Hadisə zamanı təyyarənin göyərtəsində 7 ekipaj üzvü və 155 sərnişin olub. Onların hamısı qəzada həyatlarını itiriblər. Araşdırmalar zamanı məlum olub ki, təyyarəni ildırım vurub.

3. 2015-ci ilin martın 24-də "Germanwings" şirkətinə məxsus Airbus 320 təyyarəsi Fransanın cənubunda qəzaya uğrayıb. Hadisə zamanı 150 nəfər həlak olub. Hadisəyə səbəb kimi pilotlardan birinin səhlənkarlığı göstərilib.

4. 2015-ci il oktyabrın 31-i Şarm-əl-Şeyx - Sankt-Peterburq reysini həyata keçirən Rusiyanın "Koqalımaviya" şirkətinə məxsus A320 təyyarəsi hava qalxdıqdan bir neçə dəqiqə sonra yerə çırpılıb. Hadisə zamanı 224 nəfər həlak olub. Hadisəyə səbəb təyyarənin göyərtəsində kamikadzenin özünü partlatması göstərilib.

5. 1990-cı il fevralın 14-ü Hindistanın "Indian Airlines" şirkətinə məxsus Airbus 320 təyyarəsi Maduraya şəhər aeroportunda eniş edərkən qəzaya uğrayıb. Hadisə zamanı 91 nəfər həyatını itirib, 54 nəfər yaralanıb. Hadisəyə səbəb kimi pilotlarsın ehtiyatsızlığı göstərilib.

6. 1992-ci il yanvarın 20-də Fransanın "Enter Air" şirkətinə məxsus A320 təyyarəsi Strasburq yaxınlığında yerə çırpılıb. Hadisə zamanı 87 nəfər həyatını itirib. 9 nəfər yaralanıb. Hadisəyə səbəb kimi ekipajın pilotlara səhv məlumat verməsi göstərilib.

7. 2000-ci il avqustun 23-də Bəhreynin "Gulf Air" aviaşirkətinə məxsus təyyarə Fars körfəzinə düşüb. Qəza nəticəsində 143 nəfər həlak olub. Hadisənin səbəbləri açıqlanmayıb.

8. 2006-cı il mayın 2-də İrəvan-Soçi reysini həyata keçirən Ermənistanın "Armavia" aviaşirkətinə məxsus təyyarə Qara dənizə düşüb. Hadisə zamanı 113 nəfər həyatını itirib. Qəzaya səbəb kimi pilotların səhvi göstərilib.

9. 2007-ci il iyulun 17-də Braziliyanın "TAM Airlenes" şirkətinə məxsus Airbus 320 eniş zamanı qəzaya uğrayıb. Hadisə zamanı 199 nəfər həlak olub. Məlumatlara görə, qəza zamanı təyyarə yanacaqla dolu çənə çırpılıb. Nəticədə partlayış baş verib. Hadisəyə pilotlardan birinin səhvi göstərilib.

Qəzalara səbəb kimi müxtəlif versiyalar göstərilir. Ən ağlabatan versiya A320 təyyarələrinin ucuz və keyfiyyətsiz olması ilə bağlıdır. Bəzi aviaşirkətlər xərcləri az çıxsın deyə bu təyyarələrdən alır və istismar müddəti başa çatandan sonra da ondan istifadə edirlər.

Samir