Fransada qatar relsdən çıxdı - 350 sərnişin...

Fransanın Marsel şəhərində yüksəksürətli qatar vağzalın girəcəyində relsdən çıxıb.

Trend-in məlumatına görə, bu barədə Fransanın milli dəmiryolu şirkəti (SNCF) məlumat yayıb.

"Vağzalın girəcəyində aşağı sürətlə hərəkət edən yüksəksürətli qatarın relsdən çıxması səbəbindən Marsel vağzalında hərəkət pozulub", - deyə SNCF "Twitter" sosial şəbəkəsində səhifəsində məlumat yayıb.

Hadisə zamanı qatarda 350 sərnişin olub. "Müştəri və əməkdaşlardan heç kim xəsarət almayıb", - deyə şirkət qeyd edib.