Qəbələdə ağır qəza: Ölən var

Qəbələ rayonunda ağır yol-nəqliyyat hadisəsi baş verib.

Teleqraf.com xəbər verir ki, hadisə rayonun Əmili kəndi ərazisində qeydə alınıb.

Rayonun Mollaşıxalı kənd sakini Samir Abdullayev “VAZ-2107” markalı avtomobili idarə edərkən onu yolun kənarındakı maneəyə vurub, həmin istiqamətdə hərəkətdə olan Kiçik Əmili kənd sakini Habil Mirzəyev hadisədən yayınarkən idarə etdiyi “QAZ-5312” markalı avtomobili yolun kənarındakı elektrik dirəyinə çırpıb.

Nəticədə S.Abdullayev hadisə yerində ölüb.

Faktla bağlı Qəbələ rayon polis şöbəsi tərəfindən araşdırma aparılır.